საქართველო, 30 აპრილი, საქინფორმი. საქართველოს იუსტიციის მინისტრ თეა წულუკიანის განცხადებით, რომელიც მან მეცხრე არხზე, გადაცემა „მთავარ კითხვაში“ გააკეთა, იუსტიციის საბჭოს წევრ მოსამართლეებს, როგორც არადემოკრატიულად არჩეულებს, უფლებამოსილება აუცილებლად შეუჩერდებათ.

მინისტრის თქმით, საბჭოს დაკომპლექტების ახალი მოდელი, პრეზიდენტ მიხეილ სააკაშვილისგან განსხვავებით, ვენეციის კომისიამ, თომას ჰამერბერგმა და კოტე კუბლაშვილმაც კი მოიწონეს.

“ერთადერთი ადამიანი, ვინც ეს მოდელი დაიწუნა, მიხეილ სააკაშვილია. კუბლაშვილმაც კი, მის სასახელოდ უნდა ითქვას, მოიწონა ახალი წესი და თქვა, რომ იგი უფრო დემოკრატიულია. რაკი არის დემოკრატიული, არ დაველოდებით წევრი მოსამართლეების უფლებამოსილების ამოწურვას, რომელიც არადემოკრატიული გზით მიიღეს, და დღესვე ვუჩერებთ”, – განაცხადა თეა წულუკიანმა.