აქტუალური
19 აპრილის აქციას ხაშურიდან 25 კაცი უერთდება
საქართველო, 19 აპრილი, საქინფორმი. შიდა ქართლის საინფორმაციო ცენტრის ცნობით, “ნაცმოძრაობის“ მიერ დაგეგმილ აქციას, რომელიც დღეს რუსთაველის გამზირზე გაიმართება, ხაშურიდან 25 კაცი შეუერთდება. ამის შესახებ არასამთავრობო ორგანიზაცია “19 აპრილის“ ხაშურის ორგანიზაციის წარმომადგენელმა ზაზა მეხრიშვილმა განაცხადა.
“აქციაზე, ძირითადად, ორგანიზაციის წევრები მივდივართ. სულ 25 კაცი, აქედან მხოლოდ 2 ადამიანია “ნაცმოძრაობის” აქტივისტი. ჩვენ არავის დავუფინანსებივართ. საკუთარი ხარჯებით მივდივართ”, – განაცხადა მეხრიშვილმა.
ამასთან, მეხრიშვილმა უარყო გუშინ გავრცელებული ინფორმაცია იმის შესახებ, რომ ხაშურიდან 19 აპრილის აქციაზე წამომსვლელებს პარლამენტარი გოგა ხაჩიძე ხელმძღვანელობს.
