საქართველო, 19 აპრილი, საქინფორმი.  "სამეგრელო მოდის!" - ამ ლოზუნგით ქვეყნდება სოციალურ ქსელ "ფეისბუქში"  ფოტო, სადაც მანქანების კოლონაა დაფიქსირებული. „ნაციონალური მოძრაობის" მიერ ორგანიზებულ აქციაზე დასასწრებად სამეგრელოს რამდენიმე რაიონიდან თბილისისკენ ავტოკოლონები მოემართებიან.

საქინფორმის მკითხველს შევახსენებთ, რომ „ერთიანი ნაციონალური მოძრაობის" ორგანიზებით დღეს, 19 აპრილს, 16:00 საათზე თბილისში, რუსთაველის გამზირზე, პარლამენტის შენობის წინ მასშტაბური საპროტესტო აქცია გაიმართება. მომიტინგეთა მთავარი მოთხოვნა ახალი ხელისუფლების მიერ ქვეყნის დასავლური საგარეო პოლიტიკური კურსის შენარჩუნება იქნება. აქციას რამდენიმე არასამთავრობო ორგანიზაცია და საინიციატივო ჯგუფებიც უერთდებიან.

დღევანდელ აქციაზე, სავარაუდოდ,  ცნობილი გახდება „ნაციონალური მოძრაობის" საპრეზიდენტო კანდიდატის ვინაობაც.