საქართველო, 18 აპრილი, საქინფორმი. “ანატომიამ“ ნათია მიქიაშვილთან ერთად (პროექტი TV9-ზე, რომელიც ექსკლუზიურ ჟურნალისტურ გამოძიებებს ამზადებს წინა ხელისუფლების დანაშაულთა შესახებ ყველაზე სკანდალურ თემებზე), 3-თვიანი მცდელობის შემდეგ მოიპოვა ვიდეომასალა, რომელიც უდავოდ ამტკიცებს, რომ სასჯელაღსრულების მინისტრად მუშაობის დროს ხათუნა კალმახელიძემ “პატიმარ“ გუგარ ალიევს პოლიციის გენერალ თამაზ თამაზაშვილის - ახლანდელი შს მინისტრის ირაკლი ღარიბაშვილის სიმამრის - ლიკვიდაცია უბრძანა. თამაზაშვილი ყალბი ბრალდებით იყო მსჯავრდებული - კალაშნიკოვის ავტომატის შენახვისათვის (რომელიც, ამასთან, გაფუჭებული იყო და რომელიც მას “ნისანის“ მარკის ჯიპში დაკავების სპეცოპერაციის დროს ჩაუდეს).

დავალებაზე თავდაპირველად უარის თქმის გამო ალიევი, გლდანის №8 საპყრობილის უფროსის დავით ხუჭუას ბრძანებით, ელექტროსკამზე აწამა ციხის თანამშრომელმა ოლეგ ფაცაციამ, შემდეგ კი პატიმარმა მეტსახელად “სომეხამ“, რომელიც ციხის ჯალათის ფუნქციას ასრულებდა, ციხის მორგში ერთ მოკლულ პატიმარს ღვიძლი ამოაჭრა და დემონსტრაციულად აჭამა კატას!