უცხოეთი
ძლიერი მიწისძვრა ირანში
საქართველო, 16 აპრილი, საქინფორმი. ირანის სამხრეთ-აღმოსავლეთში მდებარე მთებში ძლიერი მიწისძვრა მოხდა. მიწისქვეშა ბიძგების ამპლიტუდამ 7,8 ბალი შეადგინა. ამის შესახებ ინფორმაციას აშშ-ის გეოლოგიური სამსახური ავრცელებს.
აღნიშნული სამსახურის ცნობით, მიწისძვრის ეპიცენტრი ირანისა და პაკისტანის სახელმწიფო საზღვრებიდან დასავლეთით, 50 კმ-ში მდებარეობდა. ეპიცენტრიდან უახლოესი ქალაქი 86 კმ-ზე განლაგებული ქალაქი ხაში აღმოჩნდა.
მსხვერპლისა და ნგრევის შესახებ ცნობები არ ვრცელდება.
