სამართალი
სამხედრო სამსახურის ვადა 12 თვით განისაზღვრება
საქართველო, 5 აპრილი, საქინფორმი. საქართველოს პარლამენტის ბიურომ 4-5 აპრილის პლენარული სხდომების დღის წესრიგში რამდენიმე საკითხი დამატებით შეიტანა, მათ შორისაა კანონპროექტი „სამხედრო ვალდებულებისა და სამხედრო სამსახურის შესახებ“ კანონში ცვლილების შეტანის თაობაზე“.
კანონპროექტით, გაწვევით ვადიანი სამხედრო სამსახურის ვადა განისაზღვრება 12 თვით (მოქმედი რედაქციით გაწვევის ვადაა 15 თვე), რაც გავრცელდება იმ პირებზეც, რომლებიც სამხედრო სავალდებულო სამსახურში გაწვეულ იქნენ 15 თვის ვადით.
გაწვევის გადავადებად განისაზღვრება პირის მიერ ზოგადსაგანმანათლებლო დაწესებულების დასრულების წელს ერთიან ეროვნულ გამოცდებზე დარეგისტრირების - გამოცდების შედეგების გამოცხადებამდე, ხოლო გამოცდების შედეგების შესაბამისად - უმაღლეს საგანმანათლებლო დაწესებულებაში ჩარიცხვამდე პერიოდიც.
