საქართველო, 4 აპრილი, საქინფორმი. "ნაციონალური მოძრაობის" გენერალურ მდივანს ვანო მერაბიშვილს 5 აპრილს, 12 საათზე კულტურისა და ძეგლთა დაცვის სამინისტროში ელოდებიან. „ვანო მერაბიშვილმა დასწრების სურვილი გამოთქვა და ისიც მოვიწვიეთ, საუბარი რაბათის კომპლექსს შეეხება“, – ამის შესახებ ჟურნალისტებს კულტურისა და ძეგლთა დაცვის მინისტრის მოადგილე მარინე მიზანდარმა განუცხადა.

“მან ისეთი ბრალდებები წამოაყენა, რომლებიც სრულიად უსაფუძვლოა. ისიც გასარკვევია, რის საფუძველზეა ეს ბრალდება წამოყენებული. შევეცდებით, რომ ამ მრგვალ მაგიდაზე ყველა დაინტერესებული მხარე იყოს მოწვეული – ექსპერტები არქიტექტურის რესტავრაციის დარგში, სამოქალაქო საზოგადოების წარმომადგენლები”, - აღნიშნა მიზანდარმა.