უცხოეთი
კვიპროსმა ვალების გადავადებას მიაღწია

1-kipr-ucxსაქართველო, 3 აპრილი, საქინფორმი. კვიპროსმა „კრედიტორთა სამეულთან“ - ევროკავშირთან, საერთაშორისო სავალუტო ფონდსა და ევროპის ცენტრალურ ბანკთან საკრედიტო შეთანხმების მიღწევის შესახებ განაცხადა, რომლის მთავარ პირობად ადგილობრივ ბანკებში არსებულ ყველა დეპოზიტზე 10%-იან გადასახადს ასახელებდნენ. „მემორანდუმს მივაღწიეთ“, - განაცხადა მთავრობის პრესსამსახურის ხელმძღვანელმა ხრისტოს სტილიანიდისმა.

მოგვიანებით კვიპროსის პრეზიდენტმა ნიკოს ანასტასიადისმა განაცხადა, რომ კუნძულოვან სახელმწიფოს შეთანხმების ყველა პუნქტის შესრულება 2018 წლამდე გადაუვადდა. მისივე თქმით, კვიპროსი დივიდენდებზე გადასახადს არ დააწესებს და, ამასთან, „ცუდი“ კრედიტების რესტრუქტურიზაციის ფარგლებში არბიტრაჟის ინსტიტუტს შემოიღებს.