საქართველო, 2 აპრილი, საქინფორმი. მომღერალი სოფო ნიჟარაძე ჟურნალ „რეიტინგს“ სასამართლოში უჩივის. ეს განცხადება ნიჟარაძემ გუშინ „პირველი რადიოს“ რადიოკლუბში თავის ადვოკატ გოგიტა გაბაიძესთან ერთად გამართულ ბრიფინგზე გააკეთა.

სასარჩელო განცხადებას გაბაიძე თბილისის საქალაქო სასამართლოში რამდენიმე დღეში შეიტანს. მომღერალი ჟურნალს პატივისა და ღირსების შელახვაში ადანაშაულებს, ბოდიშის მოხდასა და ფინანსურ კომპენსაციას მოითხოვს. ამის მიზეზი 26 მარტს ჟურნალ „რეიტინგში“ სოფო ნიჟარაძის შესახებ გამოქვეყნებული მასალა გახდა, სადაც ჟურნალისტი ნიჟარაძისა და საქართველოს პრეზიდენტ მიხეილ სააკაშვილის ფარული რომანის შესახებ წერდა. მომღერლის თქმით, სტატია სიცრუეზეა  აგებული.