საქართველო, 1 აპრილი, საქინფორმი. “რუსთავი 2“-ის ყოფილი მფლობელის ეროსი კიწმარიშვილის ინფორმაციით, ზურაბ ადეიშვილი ერთ-ერთ ქვეყანაში იუსტიციის მინისტრის მრჩეველია. კიწმარიშვილის განცხადებით, ახალ ხელისუფლებას სამართლიანობის აღდგენის დრო გაეპარა და ყველას ყველაფერი შერჩა.

“ყველა პროკურორი, ყველა მოსამართლე დასაჭერია. ახალ ხელისუფლებას კი არ ჰქონდა რესურსი, რომ ეს გაეკეთებინა. ასე რომ, “ნაციონალური მოძრაობა”, ვაღიაროთ, გადარჩა. გადარჩა ფინანსური რესურსით, გავლენებით სხვადასხვა სფეროში, მათ შორის მედიაში, არასამთავრობო სექტორში და  უცხოეთში”, - აცხადებს დღეს “ასავალ-დასავალთან ” ინტერვიუში კიწმარიშვილი.

ის დარწმუნებულია, რომ ძველი ხელისუფლების წარმომადგენლებზე ე. წ “დევნა” შეწყდება, ვინაიდან ქვეყანაში უფრო მნიშვნელოვანი სოციალური პრობლემები წამოიწევს წინ.