აქტუალური
იუსუფელის კაშხალი ქართულ ძეგლებს წალეკვით ემუქრება!
საქართველო, 1 აპრილი, საქინფორმი. თურქული გამოცემა „Hurriyet Daily News“ ვილკო ვან ჰერპენის სტატიას აქვეყნებს სათაურით "იუსუფელი – მოსანახულებლად უნიკალური ადგილი".
როგორც სტატიის ავტორი აღნიშნავს, შავი ზღვის ტერიტორიაზე მდებარე ქართული ხუროთმოძღვრების ისტორიულმა ძეგლებმა პარხალმა და ოთხთა ეკლესიამ მასზე წარუშლელი შთაბეჭდილება მოახდინა და ამ ძეგლების დათვალიერებას სხვა ტურისტებსაც ურჩევს.
თუმცა, იქვე დასძენს, რომ ვინც ამ ძეგლების მონახულებას დაგეგმავს, უნდა იჩქაროს, რადგან 2018 წლის მაისისთვის ეს ძეგლები და მიმდებარე ტერიტორიები წყალქვეშ აღმოჩნდება. მათ გაანადგურებს იუსუფელის კაშხალი, რომლის მშენებლობა სწორედ იმ დროისთვის დასრულდება.„იუსუფელის კაშხალი, - აღნიშნავს სტატიის ავტორი, - მსოფლიოში სიმაღლით მესამე და თურქეთში ყველაზე მაღალი იქნება. თუმცა კაშხალიდან გადმომავალი წყალი წალეკავს ამ უნიკალურ, ისტორიულ ძეგლებსა და სოფლებს!“.
