საქართველო, 29 მარტი, საქინფორმი. შავი ზღვის რაიონში მასშტაბურ სამხედრო წვრთნებში 7 ათასი კაცი, 30 ხომალდი და 250 ჯავშანმანქანა მონაწილეობს. წვრთნების დაწყების ბრძანება რუსეთის პრეზიდენტმა ვალდიმერ პუტინმა სამხრეთ აფრიკის რესპუბლიკიდან სოჭში მიმავალი თვითმფრინავის ბორტიდან გასცა. თავდაცვის მინისტრმა სერგეი შოიგუმ დაბეჭდილი კონვერტი, რომელშიც ქვეყნის მეთაურის ბრძანება იდო, დილის ოთხ საათზე მიიღო.

ეს უკვე მეორე წვრთნებია ამ ბოლო ორ თვეში. თებერვალში პირველად ბოლო 20 წლის განმავლობაში არმიაში საბრძოლო მზადყოფნის უეცარი შემოწმება განხორციელდა. თუმცა, მაშინ „რევიზიის“ გადაწყვეტილებას შოიგუ იღებდა, ახლა კი ეს პრეზიდენტმა გააკეთა.

კრემლის თქმით, ასეთი მოულოდნელი შემოწმებები ამიერიდანაც გატარდება.