უცხოეთი
ნიკიტა მიხალკოვი ახალგაზრდა კინემატოგრაფისტებს შეხვდება
საქართველო, 29 მარტი, საქინფორმი. ნ.ს. მიხალკოვის პრესსამსახურის ცნობით, რუსეთის კინემატოგრაფისტთა კავშირის თავმჯდომარე ნიკიტა სერგეის ძე მიხალკოვი 2013 წლის 30 მარტს კინოს სახლში ახალგაზრდა კინემატოგრაფისტებს შეხვდება.
შეგახსენებთ, რომ რუსეთის კინემატოგრაფისტთა კავშირის მეცხრე ყრილობის ფარგლებში გამგეობის თავმჯდომარე ნ. მიხალკოვმა თავის გამოსვლაში კავშირის საქმიანობის საკვანძო მიმართულებათა შორის კინოინდუსტრიის ახალგაზრდა სპეციალისტთა მხარდაჭერაც გამოყო. აღნიშნულ სფეროში ერთ-ერთ მნიშვნელოვან მიღწევად ნიკიტა სერგეევიჩმა 2012 წელს შექმნილი ახალგაზრდული ცენტრი დაასახელა.
ცენტრის განვითარების შემდგომი სტრატეგიის შესამუშავებლად 30 მარტს, 15:00 საათზე, კინოს სახლის საკონფერენციო დარბაზში ახალგაზრდული ცენტრის რიგგარეშე სხდომა გაიმართება.
