საქართველო, 28 მარტი, საქინფორმი. საქართველოს ფინანსთა სამინისტროს საგამოძიებო სამსახურის ინფორმაციით, განსაკუთრებით დიდი ოდენობით ნარკოტიკული საშუალების შემოტანის ფაქტზე საგამოძიებო სამსახურის თანაშრომლებმა  შპს „ICC GEORGIA“-ს  ბრალი წაუყენეს.
გამოძიებით დადგინდა, რომ აღნიშნულმა კომპანიამ საფრანგეთიდან საქართველოში სარფის საბაჟოს  გავლით 300 კილოგრამი დამაძინებელი ყაყაჩოს PAPAVER SOMNIFERUM L თესლი შემოიტანა, რომელსაც თან ერთვოდა საფრანგეთის მიერ გაცემული ორიგინალი ფიტოსანიტარიული სერტიფიკატი, სადაც  მითითებული იყო აღნიშნული პროდუქციის  სახეობა.

ექსპერტიზის დასკვნით, აღნიშნული ნივთიერება შეიცავს ნარკოტიკულ საშუალება მორფინსა და კოდეინს. საბაჟო სამსახურის თანამშრომლებმა მისი  იმპორტის ნებართვა გასცეს, რის გამოც საბაჟო სამსახურის თანამშრომლების პასუხისმგებლობის საკითხი უახლოეს მომავალში გადაწყდება.