აქტუალური
„GIPA“-ს სტუდენტები კახა ბენდუქიძეს შეურაცხყოფაში ადანაშაულებენ
საქართველო, 28 მარტი, საქინფორმი. როგორც იტყობინებოდა საქინფორმი რამდენიმე დღის წინ, კახა ბენდუქიძემ „კვირის პალიტრისათვის“ მიცემულ ინტერვიუში განაცხადა, რომ აგრარული უნივერსიტეტისთვის ავტორიზაციის ჩამორთმევას პოლიტიკურად მოტივირებულად მიიჩნევს. „თუ „GIPA“-ს ეკუთვნის ავტორიზაცია, მაშინ ავტორიზაცია ეკუთვნის ყველას, „ბუდკასაც“ კი“, – განაცხადა მაშინ მან.
საპასუხოდ საზოგადოებრივ საქმეთა ინსტიტუტის „GIPA“-ს სტუდენტები კახა ბენდუქიძეს წერილით მიმართავენ და შეურაცხყოფაში ადანაშაულებენ.
წერილში სტუდენტები წერენ: „ბატონო კახა, მაშინ, როდესაც თქვენი გამოსვლებით აგრარული უნივერსიტეტის სტუდენტების უფლებებს იცავთ, როდესაც გამოდიხართ ახალგაზრდების ინტერესების გამტარებლად და, ამავდროულად, შეურაცხყოფას აყენებთ „GIPA“-ს და ჩვენ, მის სტუდენტებს, სრულიად ალოგიკური და ურთიერთგამომრიცხავი ხდება თქვენი პოზიცია და ეჭვქვეშ დგება თქვენი გულწრფელობა იმასთან დაკავშირებით, რომ მხოლოდ სტუდენტების ბედი გაღელვებთ“.
