საქართველო, 26 მარტი, საქინფორმი. მიხეილ სააკაშვილი გუბერნატორებს შეხვდა. შეხვედრის მთავარი თემა იყო სოფლის მეურნეობის განვითარების საკითხები.

შეხვედრაზე აღინიშნა, რომ გუბერნატორები რეგიონებში საგაზაფხულო სამუშაოების ჩატარებას, სამუშაო ადგილების შექმნას, გაზიფიცირებისა და წყალმომარაგების საკითხების განხორციელებას გეგმავენ, განხილულ იქნა სოფლის მეურნეობის ვაუჩერების თემაც.

ქვემო ქართლის გუბერნატორ დავით კირკიტაძის განცხადებით, ოპტიმალური ნაბიჯი იქნება, თუკი ხელისუფლება მიიღებს გადაწყვეტილებას და ვაუჩერის მიმღებს პირს მისი განაღდების შესაძლებლობა ექნება, რათა თავისი შეხედულებისა და საჭიროებისამებრ მოიხმაროს თანხა.