საქართველო, 25 მარტი, საქინფორმი. საქართველოს პრემიერ-მინისტრ ბიძინა ივანიშვილის დავალებით, ძლიერი ქარის შედეგების სალიკვიდაციო შტაბი შეიქმნა. შტაბს ენერგეტიკის მინისტრი კახა კალაძე ხელმძღვანელობს.

პირველ სხდომაზე შედეგების ლიკვიდაციისა და ზარალის აღმოფხვრის მიზნით ღონისძიებები დაიგეგმა. შტაბში ენერგეტიკის, ჯანდაცვის, ფინანსთა, რეგიონული განვითარების, შინაგან საქმეთა და თავდაცვის სამინისტროს წარმომადგენლები შედიან. სტიქიით დაზარალებული მოსახლეობისთვის რეგიონული განვითარების სამინისტროში მუშაობს ცხელი ხაზი – 251 07 74.

ამ დროისთვის, არსებული მონაცემებით, აჭარის ტერიტორიაზე დაზიანებულია 150-ზე მეტი სახლის სახურავი, ქობულეთში ჩამოინგრა 40-მეტრიანი ნაპირდამცავი ნაგებობა, ოზურგეთში დაზიანდა 90 სახლის, 4 სკოლისა და 1 ადმინისტრაციული შენობის სახურავი. ურეკში პრობლემები შეექმნა ნაპირდაცვით ნაგებობებს. გორში ქარმა 20-ზე მეტ მრავალსართულიან სახლს გადახადა სახურავი, თბილისში კი 60-ზე მეტი სახლის სახურავი დაზიანდა.

შტაბი 24-საათიან რეჟიმში მუშაობს.

კახი კალაძე დღის ბოლომდე ყველა აბონენტისთვის ელექტროენერგიის მიწოდებას ვარაუდობს.

სტიქიით დაზარალებულ მოსახლეობას გორში ბიძინა ივანიშვილი და ნოდარ ხადური შეხვდნენ.