უცხოეთი
აკუნინი „რუსეთის სახელმწიფოს ისტორიას“ წერს
საქართველო, 20 მარტი, საქინფორმი. მწერალი გრიგორი ჩხარტიშვილი (ბორის აკუნინი) „რუსეთის სახელმწიფოს ისტორიის“ მრავალტომეულს წერს. ახალი პროექტის შესახებ მწერალმა, რომელიც აღიარებს, რომ ყოველთვის სურდა ახალი დროის კარამზინი ყოფილიყო, თავის ბლოგზე განაცხადა.
იმავე დროს, აკუნინმა აღნიშნა, რომ თავს ანებებს დეტექტივების წერას. მისი ბოლო წიგნი ერასტ ფანდორინზე „შავი ქალაქი“ 2012 წელს გამოიცა. უწინ მწერალი აცხადებდა, რომ ამ სერიით იგი ნოველების გამოცემასაც გეგმავდა.
აკუნინის თქმით, „ისტორიის“ პირველი ტომი უკვე დაწერილია და მასში მონღოლთა შემოსევის პერიოდია აღწერილი.
