საზოგადოება
IRI – რუსეთთან დიალოგის მომხრე – 82%
საქართველო, 15 მარტი, საქინფორმი. საერთაშორისო რესპუბლიკური ინსტიტუტის მიერ ჩატარებული კვლევის თანახმად, რუსეთთან დიალოგის გაგრძელებას მხარს სრულად უჭერს გამოკითხულთა 82%, ნაწილობრივ – 13%, კატეგორიულად არ უჭერს მხარს 2%, ხოლო 1%-მა კითხვას არ უპასუხა ან თქვა, რომ არ იცის.
კითხვაზე – მხარს უჭერთ თუ არა ნატოში საქართველოს გაწევრებას, 6 %-მა მიუგო, რომ სრულად უჭერს მხარს, 19%-მა – ნაწილობრივ, 6% მხარს ნაწილობრივ არ უჭერს, ხოლო 5% კატეგორიულად არ უჭერს მხარს. გამოკითხულთა 1%-მა კითხვას ან არ უპასუხა, ან განაცხადა, რომ არ იცის.
საქინფორმის მკითხველს შევახსენებთ, რომ საერთაშორისო რესპუბლიკურმა ინსტიტუტმა პირისპირ ინტერვიუს მეთოდით 1500 რესპონდენტის გამოკითხვა 18-27 თებერვალს ჩაატარა. აღნიშნული გამოკითხვა დაფინანსებული იყო USAID-ის მიერ.
