საქართველო, 13 მარტი, საქინფორმი. იუსტიციის  მინისტრი თეა წულუკიანი სამინისტროში იპოთეკის სამართალზე მომუშავე ჯგუფის წევრებს შეხვდა. მინისტრის განცხადებით, პრობლემებმა, რომლებიც სახლების იპოთეკით დატვირთვას უკავშირდება, უკვე არანორმალური სახე მიიღო. სტატისტიკური მონაცემების თანახმად, იპოთეკის გამო ამ დროისთვის 500 ოჯახს ემუქრება გამოსახლება.

როგორც წულუკიანმა განაცხადა, პრემიერ-მინისტრის დავალებით, იუსტიციის სამინისტროში შეიქმნა იპოთეკის სამართალზე მომუშავე ჯგუფი, რომელიც საკითხის მოგვარების შესაძლო მექანიზმების შექმნაზე მუშაობს. თავდაპირველად,  კონკრეტული ინიციატივები შემუშავდება, რომლებმაც კერძო იპოთეკართან  ხელშეკრულების გაფორმებისას მოქალაქეების ინტერესების დაცვა უნდა უზრუნველყოს. „უნდა მივაღწიოთ იმას, რომ კერძო იპოთეკარებმა ვეღარ ისარგებლონ სესხის ამღების უმწეობით. ამჟამად კერძო იპოთეკარებზე მოდის იპოთეკის ბაზრის 34%, რაც ძალიან დიდი მაჩვენებელია და მის უკან დიდი ოჯახური ტრაგედიებია“, – განაცხადა თეა წულუკიანმა.

შეხვედრას ესწრებოდნენ აღსრულების ეროვნული ბიუროს თავმჯდომარე, საჯარო რეესტრის ეროვნული სააგენტოსა და ნოტარიუსთა პალატის თავმჯდომარეები. დაესწრნენ.