geflag
უცხოეთი
ანატოლი სერდიუკოვმა ჩვენება მისცა

ucxoet---3საქართველო, 11 მარტი, საქინფორმი. რუსეთის საგამოძიებო კომიტეტის მთავარმა სამხედრო-საგამოძიებო სამმართველომ აღძრა სს საქმე თავდაცვის სამინისტროს მაღალჩინოსნების მიმართ თაღლითობის ფაქტზე, რის შედეგადაც შავ ზღვაზე მდებარე მიწის მოზრდილი მონაკვეთი ექს-მინისტრ ანატოლი სერდიუკოვის სიძის (დის ქმარი) –  ვალერი პუზიკოვის, ხელში აღმოჩნდა. ამჟამად პუზიკოვი იქ ელიტურ საცხოვრებელ კომპლექსს აშენებს.

სერდიუკოვმა, რომელიც, ჩვეულებრივ, თავს იკავებდა ჩვენების მიცემისაგან, ამჯერად საგამოძიებო ორგანოებს ვალერი პუზიკოვის სამოქალაქო პროექტში თავისი და თავდაცვის სამინისტროს სხვა თანამშრომლების მონაწილეობის წერილობითი განმარტება წარმოუდგინა. კერძოდ კი, განმარტებაში ნათქვამია, რომ ეს დაკავშირებული იყო „სამსახურებრივ აუცილებლობასთან“.