საქართველო, 11 მარტი, საქინფორმი. „ნაციონალური მოძრაობის“ გენერალური მდივანი ვანო მერაბიშვილი 23 ევროპარლამენტარის ღია წერილს გამოეხმაურა და აღნიშნა, რომ მისი შინაარსი საგანგაშოა. „ნაცმოძრაობის“ გენმდივნის განცხადებით, ბოლო წლების განმავლობაში ეს პირველი შემთხვევაა, როცა ევროპარლამენტის წევრები შეშფოთებას გამოთქვამენ საქართველოს ევროპულ გზასთან დაკავშირებით და საზოგადოებას მოუწოდა, 19 აპრილს კიდევ ერთხელ დააფიქსიროს ქართველი ხალხის ნება.

„ევროპარლამენტარები შეშფოთებას გამოთქვამენ საქართველოს მომავალზე, საქართველოს ევროპულ გზაზე. ზუსტად ამიტომ „ნაციონალური მოძრაობა“ კიდევ ერთხელ მოუწოდებს საზოგადოების სხვადასხვა წარმომადგენლებს,  მიუხედავად მათი პარტიული და პოლიტიკური ორინეტაციისა, მოვიდეთ 19 აპრილს, 4 საათზე, რუსთაველის პროსპექტზე, კიდევ ერთხელ დავაფიქსიროთ ქართველი ხალხის პოლიტიკური ნება, რომ  საქართველოს მომავალი არის ნატოში, საქართველოს მომავალი არის ევროკავშირში და საქართველოს უსაფრთხოების, საქართველოს განვითარების გზა გადის სწორედ ევროპაზე“, – აღნიშნა მერაბიშვილმა.