საქართველო, 11 მარტი, საქინფორმი. დღეს უზენაეს სასამართლოში გამართულ ბრიფინგზე საქართველოს უზენაესი საბჭოს თავმჯდომარე კოტე კუბლაშვილი გამოეხმაურა ვენეციის კომისიის დასკვნას, რომელსაც იგი დადებითად აფასებს.

„მინდა დადებითად შევაფასო ის დასკვნა, რომელიც წარმოდგენილი იყო ვენეციის კომისიის სხდომაზე და ის შეფასებები, ის განმარტებები, რომლებიც ვენესიის კომისიამ გააკეთა აღნიშნული პროექტის შესახებ. საერთო ჯამში, ჩვენთვის სრულებით მისაღებია და მე კმაყოფილი ვარ იმით, რა დასკვნაც დაიდო, და ახლა მინდა, გითხრათ, რომ რამდენიმე ისეთი საკითხი, რომლებიც, როგორც იცით, ჩვენსა და საკანონმდებლო აღმასრულებელ ხელისუფლებებს შორის იწვევდა კამათს, ვენეციის კომისიამ შეაფასა თითქმის ზუსტად ისე, როგორც ჩვენს მოსაზრებებში იყო აღნიშნული“.

ნათქვამის დასადასტურებლად კუბლაშვილმა ვენეციის კომისიის დასკვნიდან რამდენიმე ციტატა წაიკითხა. მათ შორის, ისიც, სადაც ხაზგასმით იყო საუბარი სასამართლო ხელისუფლებაზე ზეგავლენის მოხდენის თაობაზე. „საბჭოს ყველა წევრის ვადაზე ადრე შეცვლა დანერგავს იმის პრეცედენტს, რომ ყოველ ახალ მთავრობასა თუ პარლამენტს შეეძლება საბჭოს უფლებამოსილების ვადაზე ადრე შეწყვეტა. ძალიან ბევრ შემთხვევაში ასეთი ცვლილება, განსაკუთრებით, მცირე ვადაში, აღძრავს იმის ეჭვს, რომ რეალური განზრახვა შეიძლება იყოს საბჭოს მიმდინარე საქმეებზე ზეგავლენის მოხდენა“, – ნათქვამია დასკვნაში.