უცხოეთი
ბილ კლინტონმა ჰომოსექსუალისტების დისკრიმინაცია მოინანია
საქართველო, 8 მარტი, საქინფორმი. აშშ-ის ყოფილმა პრეზიდენტმა გაზეთ „ვაშინგტონ პოსტისათვის“ დაწერა სტატია, სადაც წუხილი გამოთქვა თავისი 17 წლის წინანდელი საქციელის გამო, როცა ხელი მოაწერა „ქორწინების დაცვის აქტს“, რომელიც ერთსქესიანი წყვილების დისკრიმინაციას ახდენდა.
კლინტონმა განმარტა, რომ მაშინ „სხვა დრო“ იყო, ამიტომ სხვაგვარად ვერ მოიქცეოდა, თუმცა, ახლა იგი მხარს უჭერს ბარაკ ობამას ადმინისტრაციას, რომელიც ამ კანონის გაუქმებას ცდილობს ქვეყნის უმაღლეს სასამართლოში.
გეებისა და ლესბოსელების მოძრაობის აქტივისტებისა და თეთრი სახლის უკმაყოფილებას იწვევს კანონის მესამე მუხლი, სადაც ქორწინებას „მამაკაცისა და ქალის“ კავშირი ეწოდება, რაც, ფაქტობრივად, კანონგარეშე ხდის ერთსქესიან ქორწინებას.
