თავდაცვისა და განათლების ყოფილი მინისტრი დიმიტრი შაშკინი საქართველოში ამერიკიდან გამთენიისას ოჯახთან ერთად დაბრუნდა.

„ყველამ იცოდა სადაც ვიყავი – ამერიკის შეერთებულ შტატებში. ჯერჯერობით თავისუფალი ადამიანი ვარ და მაქვს უფლება, გადავწყვიტო, სად ვიყო. საქართველოს მოქალაქე ვარ, აქედან გამომდინარე, ახლა გადავწყვიტე, რომ სამშობლოში დავბრუნდე“, – განუცხადა შაშკინმა ჟურნალისტებს.

მისივე განცხადებით, საჭიროების შემთხვევაში, ის მზად არის, ითანამშრომლოს გამოძიებასთან.

საქინფორმის მკითხველს შევახსენებთ, რომ დიმიტრი შაშკინმა საქართველო ოქტომბრის საპარლამენტო არჩევნების შემდეგ დატოვა. იგი ამერიკის შეერთებულ შტატებში გამგზავრების მიზეზად პოლიტიკურ და პირად მოტივებს ასახელებდა.