საქართველო, 4 მარტი, საქინფორმი. მთავრობის დღევანდელ შეკრებაზე შრომითი ურთიერთობისა და სოციალური დიალოგის საკითხთა კომისიის სხდომა გაიმართა.

დღის წესრიგში წარმოდგენილი იყო 3 საკითხი: სამუშაო ჯგუფის ინფორმაცია ცალკეულ საწარმოებში გამოვლენილი პრობლემების შესახებ; შრომის კოდექსის ახალი რედაქციისა და სოცპარტნიორობის სამმხრივი კომისიის ინსტიტუციონალიზაციის შესახებ; კომისიის სამუშაო ჯგუფის შემდგომი სამოქმედო გეგმის შესახებ.

შრომითი ურთიერთობისა და სოციალური დიალოგის საკითხთა კომისიის სხდომას შინაგან საქმეთა მინისტრი, ფინანსთა მინისტრი და ეკონომიკის მინისტრი ესწრებოდნენ. სხდომის მუშაობაში მონაწილეობდნენ გარემოს დაცვის, რეგიონული განვითარებისა და  ჯანდაცვის სამინისტროს წარმომადგენლები.