უცხოეთი
სააკაშვილი გააფრთხილეს
საქართველო, 1 მარტი, საქინფორმი. საქართველოს ეროვნულ-განმათავისუფლებელი მოძრაობის ლიდერმა ირაკლი წერეთელმა გაავრცელა ინფორმაცია, რომ რესპუბლიკის პრეზიდენტ მიხეილ სააკაშვილის წინააღმდეგ ტერაქტი მზადდება. ამის შესახებ გაზეთი „ვერსია“ იუწყება.
წერეთელი ამტკიცებს, თითქოს თავდასხმას რუსეთის სპეცსამსახურების დავალებით კრიმინალური ელემენტები ამზადებენ. „ოპერაციას სახელწოდებაც აქვს – „გადიუკა“, – ირწმუნება იგი, – და მისი განხორციელება 26 მაისისთვის არის დაგეგმილი“.
წერეთლის თქმით, ეს ინფორმაცია მან საზრვარგარეთ მცხოვრები თავისი ორი მეგობრისგან მიიღო. „გამორიცხული არ არის, რომ ეს ცნობები ბლეფს წარმოადგენდეს, მაგრამ მათი გახმაურება აუცილებლად მიმაჩნია“, – დასძინა მან.
