საქართველო, 28 თებერვალი, საქინფორმი. საქართველოს მთავარი პროკურატურა განცხადებას აქვეყნებს 2012 წლის 28 დეკემბერს სამცხე-ჯავახეთის საოლქო პროკურატურის საგამოძიებო ნაწილში დაწყებული გამოძიების შესახებ სისხლის სამართლის N084281212802 საქმეზე, ახალციხის მუნიციპალიტეტის გამგეობის თანამშრომელთა მხრიდან სახელმწიფო ბიუჯეტის კუთვნილი თანხების გაფლანგვის ფაქტზე. დანაშაული გათვალისწინებულია საქართველოს სსკ-ის 182-ე მუხლის II ნაწილის „დ“ ქვეპუნქტით. საქმე ეხება რაბათის ციხის მშენებლობის პროცესში მუნიციპალიტეტის მიერ სახელმწიფო ბიუჯეტის კუთვნილი თანხების გაფლანგვის ფაქტებს. საქმეზე გამოძიების მიმდინარეობისას ახალციხის მუნიციპალიტეტის გამგეობიდან  მოპოვებულ იქნა 2011-2012 წლებში მუნიციპალიტეტის ტერიტორიაზე არსებული უძრავი ქონების პრივატიზაციასთან დაკავშირებული დოკუმენტები. ამ საქმის ძიების პროცესში დაფიქსირდა ძალზე საინტერესო ფაქტობრივი გარემოებები.

აღნიშნული დოკუმენტაციის შესწავლის შედეგად დადგინდა, რომ ახალციხის მუნიციპალიტეტმა 2011-2012 წლებში მიიღო გადაწყვეტილება სხვადასხვა ობიექტების საპრივატიზაციოდ გამოყოფის შესახებ.

პროკურატურის მიერ გავრცელებულ განცხადებაში პუნქტობრივადაა გაწერილი აუდიტის შეფასებები, საკრებულოს გადაწყვეტილებით საწყისი ფასების ზრდა და შემძენი სუბიექტების ვინაობა.

უწყების მიერ გავრცელებული განცხადების თანახმად, მასალებიდან იკვეთება, რომ შესყიდვის პროცესში 2 მესაკუთრე იყო პატიმარი (შპს „ჯორჯიან ინვესტმენტის“ დირექტორი ჯუანშერ მაშია და შპს „ინსტა ჯორჯიას“ დირექტორი ლევან სიმონიშვილი;

შემსყიდველთაგან 2 მესკუთრემ შესყიდული ქონება დაუბრუნა სახელმწიფოს ჩუქებით (შპს „ინსტა ჯორჯიას“ დირექტორი ლევან სიმონიშვილი და მოქალაქე ჯემალ გვარლიანმა).

2013 წლის 22 თებერვლისათვის მოწმის სახით დაბარებული იქნა შპს „ჯორჯიან ინვესტმენტის“ წარმომადგენელი მირდატ ქამადაძე, დავით ანდრონიკაშვილი და შპს „ინსტა ჯორჯიას“ წარმომადგენელი გიორგი მეფარიშვილი.