საქართველო, 26 თებერვალი, საქინფორმი. დღეიდან რუსი ექსპერტები ქართული სასმელების მწარმოებელთა შემოწმებას იწყებენ. თბილისში ჩამოსული რუსეთის სანიტარიული ზედამხედველობის სამსახურის წარმომადგენლები რამდენიმე ათეული კომპანიის საქმიანობას და პროდუქციას გაეცნობიან, მათი დასკვნის საფუძველზე კი გადაწყდება, რომელი კომპანია გაიტანს ღვინოსა და მინერალურ წყალს რუსეთის ბაზარზე.

პირველ ეტაპზე რუსი ექსპერტები ალკოჰოლიანი სასმელების მწარმოებელი კომპანიების („თბილღვინოს“, „ბაგრატიონის“, „სარაჯიშვილის“) სანიტარიულ მდგომარეობას შეამოწმებენ.

თბილისსა და კახეთში ექვსკაციანი დელეგაცია ამჯერად ღვინის 40-მდე საწარმოს ინსპექტირებას განახორციელებს.