საქართველო, 22 თებერვალი, საქინფორმი. საგარეო საქმეთა მინისტრი მაია ფანჯიკიძე არასამთავრობო ორგანიზაცია „საერთაშორისო კრიზისების ჯგუფის“ სამხრეთ კავკასიის პროექტის დირექტორ ლოურენს შიითს შეხვდა. მხარეებმა აფხაზეთსა და სამხრეთ ოსეთში არსებულ სიტუაციაზე ისაუბრეს. ლოურენ შიითის განცხადებით, საქართველოს აღნიშნულ რეგიონებში მოსახლეობა  ქვეყანაში განხორციელებულ ბოლოდროინდელ პოლიტიკურ ცვლილებებს დადებითად აფასებს.

მაია ფანჯიკიძის განცხადებით, პროექტის დირექტორს შეხვედრები ჰქონდა მოსახლეობასთან იმ საკითხებთან დაკავშირებით, თუ როგორ აღიქმება ახალი ხელისუფლების მიერ გადადგმული ნაბიჯები. შიითმა მინისტრთან საუბარში აღნიშნა, რომ „იგრძნობა პროგრესი ნდობის აღდგენის კუთხით“.