საზოგადოება
სერგეენკო: „დაზღვევა ორ მილიონზე მეტ ადამიანს შეეხება“
საქართველო, 21 თებერვალი, საქინფორმი. მოსახლეობის საყოველთაო დაზღვევის პროგრამა თებერვლის ბოლოდან ამოქმედდება. ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ ჟურნალისტებს მთავრობის სხდომის შემდეგ განუცხადა.
მინისტრის თქმით, დაზღვევის პირველი ეტაპი ივლისამდე გაგრძელდება და ორ მილიონზე მეტ მოქალაქეს შეეხება. ამასთან, დაეზღვევიან ისინიც, ვინც აქამდე არანაირი სადაზღვევო პაკეტით არ სარგებლობდა. მოქალაქეებს მომსახურებას გაუწევენ კერძო სადაზღვევო კომპანიები, რომლებთანაც, მინისტრის თქმით, მოლაპარაკებები უკვე დასრულდა.
დღევანდელი მდგომარეობით, დაზღვეული არიან სოციალურად დაუცველები, პენსიონერები, სტუდენტები, პედაგოგები, კერძო და კორპორატიული დაზღვევის მქონე მოქალაქეები, ბავშვები.
