აქტუალური
გიგი უგულავა სასამართლოს გადაწყვეტილებას ელოდება
საქართველო, 15 თებერვალი, საქინფორმი. თბილისის საქალაქო სასამართლოს პრესსამსახურის ინფორმაციით, გიგი უგულავას დასაკითხად იძულებით წარდგენის შესახებ გადაწყვეტილებას საქალაქო სასამართლოს მოსამართლე გადაწყვეტილებას დღის ბოლომდე მიიღებს.
საქინფორმის მკითხველს შევახსენებთ, რომ შს სამინისტროს არაერთგზის გაფრთხილების მიუხედავად, უგულავა მოწმის სტატუსით დაკითხვაზე არ გამოცხადდა. შესაბამისად, მის მიმართ სისხლის სამართლის საპროცესო კოდექსით გათვალისწინებული იძულებითი ზომები განხორციელდება. თბილისის საქალაქო სასამართლოში შსს-დან გუშინ შევიდა მოთხოვნა გიგი უგულავას გამოძიების წინაშე იძულებით წარდგენის შესახებ.თბილისის მერმა რამდენიმე დღის წინ გაავრცელა განცხადება, რომლის თანახმადაც, ის პოლიციაში დაკითხვაზე მისი მისვლის აუცილებლობის შესახებ სასამართლოს დასაბუთებულ განჩინებას დაემორჩილება.
გიგი უგულავა მოითხოვს, დაიკითხონ ის პირებიც, რომელთაც 8 თებერვალს ეროვნულ ბიბლიოთეკასთან საზოგადოებრივი წესრგის დაცვა ევალებოდათ, მათ შორის, შინაგან საქმეთა მინისტრი.
ასევე, თბილისის მერი მოუწოდებს გამოძიებას, გაარკვიოს, ვისგან იღებდა დავალებებს ნანა კაკაბაძე.
სასამართლომ გადაწყვეტილება დღეს 18 სათამდე უნდა მიიღოს. კანონით გათვალისწინებული ვადა განცხადების შეტანიდან 24 საათში იწურება.
