პოლიტიკა
ივანიშვილი: „ჩვენ შევდივართ ახალ, გაცილებით საინტერესო კავშირში...“
საქინფორმი. 14 თებერვალი, საქინფორმი. საქართველოს პრემიერ-მინისტრი ბიძინა ივანიშვილი „აღმოსავლეთპარტნიორობის“ არაფორმალური მინისტერიალის ფარგლებში გამართულ მიღებას დაესწრო. ბიძინა ივანიშვილმა შეკრებილ საზოგადოებას სიტყვით მიმართა. მან ხაზი გაუსვა „აღმოსავლეთპარტნიორობის“ ინიციატივაში ჩართული ქვეყნებისა და ევროკავშირის ურთიერთობის მნიშვნელობას. დამსწრე საზოგადოებას მიმართეს ევროკომისარმა გაფართოებისა და სამეზობლო პოლიტიკის საკითხებში შტეფან ფულემ და ევროკომისიის ვიცე-პრეზიდენტმა, ევროკომისარმა ტრანპორტის საკითხებში სიიმ კალასმა.
„ქართველი ხალხის არჩევანია ევროპა. ჩვენ განუხრელად ვისწრაფვით აქეთ და ჩვენ აუცილებლად მივაღწევთ ჩვენს მიზანს. ჩვენ შევდივართ ახალ, გაცილებით საინტერესო კავშირში, რომელსაც ჰქვია „ევროკავშირი“, და ვისწრაფვით იქით. ამას ვაკეთებთ აბსოლუტურად შეგნებით და გონიერად, – განაცხადა ბიძინა ივანიშვილმა და დასძინა, – ჩვენი მისწრაფებები ევროპისკენ ნაყოფს გამოიღებს და ევროპის დიდ ოჯახში ჩვენ ღირსეული ახალი წევრები ვიქნებით“. 
