საქართველო, 12 თებერვალი, საქინფორმი. თბილისი  „აღმოსავლეთპარტნიორობის არაფორმალური დიალოგის მეორე შეხვედრას მასპინძლობს. ქართული მხრიდან აღნიშნულ ღონისძიებას მასპინძლობენ საგარეო უწყების ხელმძღვანელი მაია ფანჯიკიძე და ეკონომიკისა და მდგრადი განვითარების მინისტრი გიორგი კვირიკაშვილი. არაფორმალურ დიალოგში მონაწილეობას მიიღებს, ასევე, სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი.

ევროკავშირის მხრიდან დიალოგში მონაწილეობენ ევროკომისარი გაფართოებისა და ევროპული სამეზობლო პოლიტიკის საკითხებში შტეფან ფულე, ევროკავშირის საგარეო საქმეთა სამსახურის გენერალური მდივნის მოადგილე ჰელგა შმიდტი და ევროკომისიის ვიცე-პრეზიდენტი, ევროკომისარი ტრანსპორტის დარგში სიიმ კალასი. „აღმოსავლეთპარტნიორობის“ აღნიშნულ ღონისძიებაში მონაწილეობის მისაღებად საქართველოს ეწვევიან ინიციატივაში ჩართული ყველა ქვეყნის მაღალი დონის დელეგაციები.

საქართველოში დაგეგმილი არაფორმალური შეხვედრა, „აღმოსავლეთპარტნიორობის” შემდგომი განვითარების საკითხებთან ერთად, მოიცავს ტრანსპორტის სფეროში დიალოგის ელემენტებსაც.