უცხოეთი
უკრაინა რუსეთთან ურთიერთობებში კომპრომისებს გამოძებნის

1-ukr-rusსაქართველო, 11 თებერვალი, საქინფორმი. კიევი რფ-თან ურთიერთობებში ურთიერთნდობის ატმოსფეროს აღსადგენად კომპრომისების გამოძებნას აპირებს. ამის შესახებ უკრაინის საგარეო საქმეთა მინისტრმა ლეონიდ კოჟარამ განაცხადა.

„თანმიმდევრულად გადავჭრით იმ საკითხებს, სადაც ჯერ კიდევ განსხვავებული მიდგომები გვაქვს, ნელ-ნელა აღვადგენთ ურთიერთნდობას იქ, სადაც ის ბოლომდე არაა აღდგენილი. მუშაობის პირველი შედეგების შეჯამებას მარტის ბოლოს მოსკოვში ვიზიტისას მოვახდენთ“, – განაცხადა კოჟარამ კიევში გამართულ ექსპერტთა ფორუმზე.

მინისტრის თქმით, კიევისა და საბაჟო კავშირის ურთიერთობები „ცივილიზებული მიდგომის საკითხს არ წარმოადგენს“.

„საბაჯო კავშირი – ეს 60 მლრდ დოლარი ტვირთბრუნვაა. განა შეგვიძლია უარი განვაცხადოთ ასეთ დიდ ბაზარზე? ამიტომაც ვეძებთ თანამშრომლობის ფორმებს მასთან“, – აღნიშნა მინისტრმა.