უცხოეთი
„პეტრიოტების“ განთავსება თურქეთში თებერვლის შუა რიცხვებში დასრულდება
საქართველო, 6 თებერვალი, საქინფორმი. ჩრდილოატლანტიკური ალიანსის მიერ საზენიტო-სარაკეტო კომპლექს „პეტრიოტების“ განთავსება თურქეთის ტერიტორიაზე საბოლოოდ თებერვლის შუა რიცხვებში დასრულდება მას შემდეგ, რაც საბრძოლო მორიგეობაზე აშშ-დან ჩამოტანილ ერთ-ერთ ბატარეას განათავსებენ.
სამშაბათს ამერიკელმა სამხედროებმა უკვე გაააქტიურეს პირველი კომპლექსი თურქეთის სამხრეთ ნაწილში მდებარე ქალაქ გაზიანტეპის რაიონში.
გასული წლის ნოემბერში ანკარამ თხოვნით მიმართა ნატოს, სირიის მხრიდან სავარაუდო საჰაერო თავდასხმისგან დასაცავად მისთვის საზენიტო-სარაკეტო კომპლექს „პეტრიოტების“ გადაცემის შესახებ. ნატოს საბჭომ რაკეტების განთავსების გადაწყვეტილება 4 დეკემბერს მიიღო.
