კორეის სახალხო-დემოკრატიული რესპუბლიკა მესამე ბირთვული გამოცდისთვის ემზადება
საქართველო, 1 თებერვალი, საქინფორმი. კორეის სახალხო-დემოკრატიულმა რესპუბლიკამ მთლიანად დაასრულა მესამე ბირთვული გამოცდისთვის მზადება პუნგერის პოლიგონზე.
სპეციალური შახტები, რომლებიც აუცილებელია მიწისქვეშა ბირთვული გამოცდისთვის, უკვე ამოვსებულია ბეტონით და სადენებიც გაყვანილია. თავის მხრივ, სამხრეთ კორეის დაზვერვა კორეის სახალხო-დემოკრატიული რესპუბლიკის ბირთვული პოლიგონისთვის თვალყურის დევნებას განაგრძობს.
გაეროს უშიშროების საბჭომ 22 იანვარს ერთხმად მიიღო რეზოლუცია, რომელიც კორეის სახალხო-დემოკრატიული რესპუბლიკის მიმართ სანქციების სიას აფართოებს. აღნიშნული რეზოლუცია ფხენიანის მიერ გასული წლის 12 დეკემბერს დედამიწის ხელოვნური თანამგზავრის მატარებელი რაკეტის გაშვების საპასუხოდ იქნა მიღებული. კორეის სახალხო-დემოკრატიულმა რესპუბლიკამ კი, თავის მხრივ, განაცხადა, რომ კვლავაც განამტკიცებდა „სამხედრო ძლიერებას“ და ახალ ბირთვულსა და სარაკეტო გამოცდებს ჩაატარებდა.
