საქართველო, 30 იანვარი, საქინფორმი. ახალახან პრესაში გაჟონა ინფორმაციამ, რომ მილიარდერ ბადრი პატარკაციშვილის ქვრივ ინა გუდავაძეს ფინანსური პრობლემები დაეწყო.

2008 წლის 12 თებერვალს გულის შეტევით გარდაცვლილმა ბადრი პატარკაციშვილმა თავის მემკვიდრეებს გიგანტური ქონება დაუტოვა. მის იმპერიაში თავმოყრილი იყო ნაირგვარი აქტივი. პატარაკაციშვილის ქონება მთლიანი შეფასებით 2 მლრდ დოლარს აღწევდა და ასეთ მოკლე ხანში ამხელა თანხების დაკარგვა პრაქტიკულად შეუძლებელი იყო.

თუმცა, ქალბატონ გუდავაძის გარემოცვაში აღმოჩნდა ადამიანი, რომელსაც შეუძლია პატარკაციშვილის მილიარდების მემკვიდრეს „უანგაროდ“ დაეხმაროს. ეს მავანი ირაკლი რუხაძეა, რომელსაც აქამდე Salford-ის ქართული განყოფილების აღმასრულებელი დირექტორის პოსტი ეკავა. პატარკაციშვილის სიცოცხლეში რუხაძე მისი კონფიდენციალური დავალებების შემსრულებლად მიიჩნეოდა; იმდენად კონფიდენციალურისა, რომ ზოგი ექსპერტი რუხაძის სახელს რუსეთსა და უკრაინაში რიგ ხმაურიან სისხლის სამართლის საქმეებს უკავშირებს. მათ შორის, ჟურნალისტ პოლ ხლებნიკოვისა და ანა პოლიტკოვსკაიას მკვლელობასაც.