საქართველო, 29 იანვარი, საქინფორმი. ერთი კვირის განმავლობაში უეცრად დაიღუპა „ობორონსერვისის“ საქმის ორი სავარაუდო მოწმე. კომპანია „სტროიიმპულსის“ ხელმძღვანელი სერგეი ამელინი გულის შეტევით გარდაიცვალა, „ვოენტელეკომის“ ტოპმენეჯერი ნიკოლაი ზამეროვი კი საგზაო-სატრანსპორტო შემთხვევის მსხვერპლი შეიქნა.

ტრაგიკული შემთხვევითობისა არ სჯერა თავდაცვის სამინისტროს ყოფილ პრესმდივან ვიქტორ ბარანეცს. „იქ გიგანტური ფული ტრიალებდა და თაღლითური ოპერაციები ხორციელდებოდა, – განუმარტა მან Business FM-ს, – და როცა გამოძიება დამნაშავეთა კვალზე გავიდა, მათ ერთმანეთს  პრეტენზიების წაყენება დაუწყეს – ვინ ვინ „ჩაუშვა“. არ გამოვრიცხავ, რომ ზამეროვის სიკვდილი, მოცემულ შემთხვევაში, წინასწარგანზრახული იყო“.

„ვოენტელეკომში“ ზამეროვი მიმწოდებლებსა და გარე კონტრაგენტებთან კონტაქტებზე იყო პასუხისმგებელი.