უცხოეთი
ნიდერლანდების დედოფალმა ტახტზე უარი განაცხადა
საქართველო, 29 იანვარი, საქინფორმი. ნიდერლანდებში დედოფალმა ბეატრიქსმა თავისი ვაჟის, პრინც ვილემ-ალექსანდრეს, სასარგებლოდ ტახტზე უარი თქვა. ბოლო 100 წლის განმავლობაში პირველად ნიდერლანდების ტახტს მამაკაცი დაიკავებს: ვილემ-ალექსანდრე 1890 წელს გარდაცვლილი ვილემ მესამეს შემდეგ პირველი მეფე გახდება.
თავის ვიდეომიმართვაში მოსახლეობისადმი ბეატრიქსმა განაცხადა, რომ ოფიციალურად ტახტს 30 აპრილს დატოვებს – ამ დღეს ზუსტად 30 წელი შესრულდება იმ მომენტიდან, როცა იგი ნიდერლანდების დედოფლად აკურთხეს. მის უდიდებულესობას 31 იანვარს 75 წელი შეუსრულდება. 
