უცხოეთი
ტეხასის კოლეჯში მორიგი სროლა ატყდა
საქართველო, 23 იანვარი, საქინფორმი. ამერიკის ტეხასის შტატში მორიგი სროლა ატყდა. კოლეჯ „ლონ სტარის“ ტერიტორიაზე, რომელიც ქალაქ ჰიუსტონის ჩრდილოეთით 30 კმ-ში მდებარეობს, ორი ახალგაზრდა კაცის ჩხუბის შედეგად 4 კაცი დაიჭრა. ერთ-ერთი დაზარალებული მძიმე მდგომარეობაში იმყოფება.
სროლაში დაზარალდა ჩხუბის ერთ-ერთი ამტეხი, 22 წლის კარლტონ ბერი, რომელიც ამჟამად საავადმყოფოში იმყოფება. მას უკვე წაუყენეს ბრალი შეიარაღებულ თავდასხმაში დამამძიმებელი გარემოებებით. მეორე შეიარაღებულმა მამაკაცმა მიმალვა მოახერხა. 
