უცხოეთი
დიდი თეატრის სამხატვრო ხელმძღვანელს სახეში გოგირდმჟავა შეასხეს
საქართველო, 18 იანვარი, საქინფორმი. მოსკოვში დიდი თეატრის მხატვრული კოლექტივის ერთ-ერთ ხელმძღვანელზე თავდასხმა პოლიციამ ჯანმრთელობის მძიმე დაზიანებად შეაფასა.
დიდი თეატრის პრემდივან ეკატერინა ნოვიკოვას განცხადებით, გუშინ უცნობმა თავდამსხმელმა დიდი თეატრის ბალეტის სამხატვრო ხელმძღვანელ სერგეი ფილინს სახეში, სავარაუდოდ, გოგირდმჟავა შეასხა. ინციდენტი დაზარალებულის სახლთან მოხდა. თანაც, ნოვიკოვას მონაცემებით, ფილინს მანამდეც ემუქრებოდნენ უცნობი პირები, „საბურავებს უჭრიდნენ, საიტი გაუტეხეს“.
სერგეი ფილინი სახისა და თვალების მესამე ხარისხის დამწვრობით ჰოსპიტალიზებულია. თავდასხმის მოტივებზე ჯერჯერობით არაფერია ცნობილი.
