სამართალი
აჭარის კუდ-ის ყოფილი უფროსი დააკავეს
საქართველო, 16 იანვარი, საქინფორმი. აჭარის კონსტიტუციური უსაფრთხოების დეპარტამენტის ყოფილი ხელმძღვანელი თემურ პატარიძე თბილისში სპეციალური ოპერატიული დეპარტამენტის შენობაში გუშინ, გვიან საღამოს, მოწმის სახით დასაკითხავად მეორედ დაიბარე. დაკითხვის შემდეგ ის დააკავეს.
პატარიძის ადვოკატის ინფორმაციით, მას ბრალი ედება სამსახურებრივი უფლებამოსილების ბოროტად გამოყენებაში.
საქინფორმის მკითხველს შევახსენებთ: თემურ პატარიძე აჭარის კუდ-ის ხელმძღვანელად 2012 წლის აგვისტოდან აღარ მუშაობს. არჩევნების შემდეგ ის თბილისში სახელმწიფო დაცვის სამსახურში გადმოვიდა. თემურ პატარიძის დაკავების ფაქტს ადასტურებენ შინაგან საქმეთა სამინისტროში. უწყებაში ოფიციალური განცხადებაც გაკეთდება.
