საქართველო, 11 იანვარი, საქინფორმი. უკრაინამ საქართველოს უარი განუცხადა საქართველოს შსს-ს ყოფილი მაღალჩინოსნის ოლეგ მელნიკოვის გადაცემაზე, რომელზეც სამშობლოში ძებნაა გამოცხადებული.

უკრაინის სასამართლომ დაასკვნა, რომ მელნიკოვის ექსტრადიციისთვის საკმარისი საფუძვლები არ არსებობს. ამავდროულად ცნობილია, რომ სასამართლომ შსს-ს ყოფილ თანაშრომელს პატიმრობის ვადა გაუზარდა.

შეგახსენებთ, რომ მელნიკოვი საქართველოს შსს კონსტიტუციური დეპარტამენტის ყოფილი თანამშრომელია. ხელისუფლების სათავეში „ქართული ოცნების“ მოსვლის შემდეგ მასზე, ისევე, როგორც ზოგიერთ სხვა ძალოვანზე, სისხლის სამართლის საქმე აღიძრა.