საქართველო, 9 იანვარი, საქინფორმი. საქართველოს ენერგეტიკისა და ბუნებრივი რესურსების მინისტრი კახა კალაძე საქართველოს პრეზიდენტ მიხეილ სააკაშვილის მორიგ განცხადებას – „რომლითაც ის ცდილობს, ხელი შეუშალოს ინვესტიციების შემოდინებას“ – სპეციალური ბრიფინგით გამოეხმაურა.

„ბოლო დღეებში პოლიტიკურ განცხადებებში გაჟღერდა ინფორმაცია ხობიჰესი-1, ხობიჰესი-2 მშენებლობის შეჩერებასთან დაკავშირებთ. ვაცხადებთ რომ, საქართველოს ენერგეტიკისა და ბუნებრივი რესურსების სამინისტროს ერთ-ერთი მთავარი პრიორიტეტია ქვეყნის ჰიდროენერგეტიკული რესურსების ათვისება და ამ მიმართულებით ინვესტიციების მოზიდვის ხელშეწყობა. სამინისტრო აგრძელებს მჭიდრო თანამშრომლობას ჰიდროენერგეტიკული პროექტების განმახორციელებელ კომპანიებთან და პოტენციურ ინვესტორებთან“, – ნათქვამია კალაძის განცხადებაში, რომელიც სამინისტროს ოფიციალური ვებგვერდზე განთავსებული.

აღნიშნული ჰესების მშენებლობას ახორციელებს კომპანია შპს „ქართული საინვესტიციო ჯგუფი-ენერგია“ საქართველოს მთავრობასთან 2009 წლის 15 სექტემბერს გაფორმებული ურთიერთგაგების მემორანდუმის საფუძველზე.

„ხაზგასმით ვაცხადებთ, რომ სამინისტრო ხელს შეუწყობს აღნიშნული პროექტის განხორციელებას გაფორმებული ურთიერთგაგების პირობების მიხედვით“, – აცხადებს კახა კალაძე.

მინისტრი კომპანია GIG ENERGY-ის წერილების წარმოდგენით საზოგადოებას უდასტურებს, რომ ელექტროსადგურების მშენებლობა გეგმის მიხედვით მიმდინარეობს.