საქართველო, 26 დეკემბერი, საქინფორმი. როგორც უკვე იუწყებოდა საქინფორმი, საქართველოს პრემიერ-მინისტრ ბიძინა ივანიშვილის ოფიციალური ვიზიტი აზერბაიჯანში დღეს დაიწყო.

როგორც პრემიერ-მინისტრის პრესსამსახური საქინფორმს ატყობინებს, ჰეიდარ ალიევის სახელობის ბაქოს საერთაშორისო აეროპორტში ოფიციალური დახვედრის ცერემონიალის შემდეგ ბიძინა ივანიშვილი საქართველოს დელეგაციის წევრებთან ერთად „საპატიო დაკრძალვათა“ ხეივანში გაემართა, სადაც აზერბაიჯანელი ხალხის საერთო ეროვნული ლიდერის – ჰეიდარ ალიევისა და მისი მეუღლის – ზარიფა ალიევას საფლავები გვირგვინითა და ყვავილების თაიგულით შეამკო.

„საპატიო დაკრძალვათა“ ხეივანიდან საქართველოს დელეგაცია პრემიერ-მინისტრის მეთაურობით „შეჰიდების ხეივანში“ გაემართა და „მარადიული ცეცხლის“ მემორიალი გვირგვინებით შეამკო.