საქართველო, 19 დეკემბერი, საქინფორმი. ფინანსთა სამინისტროს საგამოძიებო სამსახურში რიყის ტერიტორიის გასხვისების პროცედურებთან დაკავშირებით დაკითხვაზე იმყოფებოდა თბილისის მერიის არქიტექტურის სამსახურის უფროსი არის ბოჭოიძე. როგორც თავად აცხადებს, კონკრეტულად, რიყის თაობაზე მისთვის კითხვები არ დაუსვამთ და ეს მხოლოდ ინფორმაციული შეხვედრა იყო.

ამავე საკითხის ირგვლივ საგამოძიებო დეპარტამენტში ყოფილი პრემიერ-მინისტრი ნიკა გილაურიც დაკითხეს. თუმცა, თავად გილაური აცხადებს, რომ ამ საკითხის შესახებ არაფერი იცის და  ასეც უპასუხა: „არაფერი არ ვიცი“.

ბოჭოიძისა და გილაურის შემდეგ კი გამოძიების შეკითხვებს ძველი თბილისის რაიონის ყოფილმა გამგებლმა ლაშა ფურცხვანიძემ უპასუხა.

ამ თემაზე უკვე დაიკითხნენ მერიის მოქმედი და ყოფილი თანამშრომლები, ასევე, დაკითხვაზეა დაბარებული მთავარი პროკურორის ყოფილი მოადგილე, საპარლამენტო უმცირესობის წარმომადგენელი დავით საყვარელიძე, რომელიც დეპარტამენტში ჯერ არ გამოცხადებულა.