აქტუალური
ივანიშვილი: „რუსეთთან მიმართებაში ვიქნებით თანმიმდევრული და პრინციპული“
საქართველო, 18 დეკემბერი, საქინფორმი. სასტუმრო „ამბასადორში“ მეორე დღეა, საქართველოს პრემიერ-მინისტრ ბიძინა ივანიშვილის შეხვედრა მიმდინარეობს 21-კაციან უცხოელ ჟურნალისტთა ჯგუფთან.
მისივე ინფორმაციით, გრიგორი კარასინისა და ზურაბ აბაშიძის მეორე შეხვედრა, სავარაუდოდ, ორი თვის შემდეგ გაიმართება. „ეს პროცესი გაგრძელდება და მოვახერხებთ რუსეთთან ურთიერთობების დალაგებას. დალაგებაში იგულისხმება ტერიტორიული მთლიანობის აღდგენა და ყველაფერი, რაც საქართველოს კანონით ეკუთვნის. ჩვენი ყველა ნაბიჯი იქნება გამჭვირვალე, აუცილებლად ვიქნებით თანმიმდევრული და პრინციპული ჩვენს ქმედებებში რუსეთთან მიმართებაში“, – აღნიშნა ბიძინა ივანიშვილმა ქართველ ჟურნალისტებთან კომენტარში.
