სამართალი
ნინოწმინდაში დიდი რაოდენობით საბრძოლო მასალა ამოიღეს
საქართველო, 12 დეკემბერი, საქინფორმი. შსს-ის ინფორმაციით, 2012 წლის 10 დეკემბერს სამცხე-ჯავახეთში, ნინოწმინდაში მცხოვრებმა ნატალია ბოდოიანმა, ბაღდასარ ჩაპანიანმა და დარეჯან სანოსიანმა წარმოადგინეს დიდი რაოდენობით საბრძოლო მასალა: ხელნაკეთი პისტოლეტი, 3645 ვაზნა, 5 ხელყუმბარა, 24 მეტრი სიგრძის ასაფეთქებელი პატრუქი, ცეცხლსასროლი შაშხანა და ხელნაკეთი სამხედრო ხიშტ-დანა, რომელიც შინაგან საქმეთა სამინისტროს ნინოწმინდის პოლიციის სამმართველოს თანამშრომლებმა ამოიღეს.
სამმართველოს უფროს მიხეილ ბუზალაძის განცხადებით, საქმე აღიძრა სისხლის სამართლის კოდექსის 236-ე მუხლის 1-ლი ნაწილით. გამოძიებას აწარმოებს შინაგან საქმეთა სამინისტროს ნინოწმინდის პოლიციის სამმართველო. 
