საქართველო, 6 დეკემბერი, საქინფორმი. ნატოში სერბეთის წარმომადგენელმა ბრანისლავ მილინკოვიჩმა  ბრიუსელის აეროპორტში თავი მოიკლა. ამის შესახებ „ფორბსი“ იუწყება.

ტრაგედია სამშაბათს, 4 დეკემბერს, მოხდა. მილინკოვიჩი აეროპორტის მრავალსართულიანი ავტოსადგომის პლატფორმიდან გადმოხტა. იგი ადგილზევე გარდაიცვალა. ინციდენტი მაშინ მოხდა, როცა სერბი დიპლომატები აეროპორტში თავის კოლეგებს ხვდებოდნენ. შესაძლო მიზეზებს, რომელთა გამოც მილინკოვიჩმა სიცოცხლე თვითმკვლელობით დაასრულა, არ იტყობინებიან.

სერბეთის საგარეო საქმეთა ანონიმური წარმომადგენლის თქმით, 52 წლის დიპლომატი სერბეთის დელეგაციის სხვა წევრებთან ერთად სამინისტროს წარმომადგენელთა ჩამოსვლას ელოდებოდა, რომლებსაც შეხვედრები უნდა გაემართათ ნატოში. ყველასთვის მოულოდნელად სერბეთის ელჩი პლატფორმიდან გადახტა.